لا... انت مش مضطر

 ...متسبش نفسك تتعلق بحد اووي  

...عشان متضطرش تسيب نفسك تعيط اووي 

 ....لما هو تقرر يمشي

23-5-09 

prove it bbe :)

اذا فقدت عقلك يوما و احببتني

فلا تنسي ان تفعل كل ما هو مستحيل لاجلي

ليس لتجعلني احبك

لكن

لتجعلني اظهر لك حبي هذا

only hope

حاجات كتيرة

في حياتي اللي فاتت

راحت

بس لسه عندي امل فيها

عشان كده

 الزرعه الميتة

في بلكونتي

مع انها خلاص

ماتت

يوماتي باسقيها

"copyed"-"ana ra3i bakar wa7iid

سوبر عادية

و يقولي بستغراب

انتي ليه بتختفي كده فجاه ؟

فارد اقول ..

بزهق من  كل الدنيا

بزهق من العيشة واللي عيشنها

بزهق من نفسي وامثلها

بزهق زهق يزهق الواحد في عيشته

فبعمل بيات شتوي

سواء شتا كان او صيف

و اقعد لوحدي..

افكر..

اكتب ..

ارسم..

اغني ..

ارقص..

لغاية لما ملقيش حاجه اعملها

فلما ارجع تاني واطلع من جحري

احس بمتعت الحياة

والحاجات العادية

تبقي سوبر عادية

وارجع اضحك تاني

وكاني بعيش من الاول تاني

بعد 117 سنه

كل يوم قبل ما تنامي فكري كويس

ايه اللي خلانا نوصل للمرحلة دي

فكري نفسك كل يوم ان انتي السبب

وفي كل لحظة في حياتك..

خليكي فكرة..

علشان بعد ما تقل مقابلتنا

لحد ما تنقطع ..

وبعد ما اقبالك صدفة بعد 100 سنة

متبقيش تساليني احنا ليه بقينا كده

علشان ساعتها متقلبيش عليا

المواجع ..

واقولك بكل برود

ايه اخبارك؟

 ..تقوليلي تمام

اقولك طيب كويس سلام اشوفك

بعد 100 سنة كمان



شخبطة مش اكتر

بقالي اكتر من شهر بشخبط

معدش في كلام باقي ..

هقول ايه ولا ايه !!

 وانا يعني اللي هقوله ده

هيعمل ايه ؟!

اصل الكلام عمره ما هياثر

لو اللي بيسمعوا طرش ..!!

مات الكلام !!

وهي بالمرة تكون فرصة نموت

فيها اي مشاعرفضله ..

ومهما تعلي تعلي في صوتك

هما برضوا هيفضوا طرش!!

مهو مش شرط لما تحب تغير

الدنيا فعلا هتتغير !!..

افضل صوت واخبط راسك

وممكن تفضل هي برضوا زي ما هي !!

 مات الكلام !!

لا ومش بس الكلام اللي مات ... لا وسكوت كمان

وهي كل حاجه بتموت

وانت عمرك ما هتعرف تلاحق

علي الجنازات !!

 (مات الكلام)

ولو بتفكر في اللي بفكر فيه

تبقي عبيط

مهو يعني هنهرب وهنهرب

وبرضوا هنفضل في الدنيا ..

ما هو مهما هربت هتروح من ربنا فين ..

برضوا مات الكلام ..

عيط و العن واشتم

واخرتها !!

ما هي برضوا هتلف وترجعلك تاني

ما هو مش ذكاء انك تعيط

لفكرة العياط ! او حتي علشان ندمان

..

وفكر لحظة ان غبائك ده هو اللي

في كل مرة بيموت الكلام

4.9.10

   7 am   

تراب الزمن

ده كلام قديم جه عليه تراب الزمن و ملاه

مفيش داعي ننفضه يالا بينا ندفنه 

 و ياريت الحياه تجيب شويه كلام من غير 

تراب عشان الحساسيه

10-1-3 

for roudy ♥ ♥

دي محوله صغيرة

لرفع روحك المعنوية 

:)  ♥  

love\hate

حياتك مرهونه بقدر الحب الذي يملئك

و كونك الان علي حافه الكره

يعني أنك ان لم تقضي عليه

  

قتلك

..الصبر مفتاح الفرج

 ..ماشي

..اوكيه

*الصبر بقي مفتاحه ايه!؟

*انا راعي بقر وحيد 

my sweet 17 ♥

for 24 hour u'r wishing me well

 ♥  

364 days i'm in a hell

 ♥ 

happy birthday 2 me  

 ♥ 

♥ 5.6.2010 ♥

p.s. : fatima  ♥ 

         i'm pleased to know u ♥

و ما الدنيا الا سرك كبير !!

اكتشفت ان الدنيا مجرد سيرك كبير ....

ففهمت انا ليه مش عارفه ابطل شغل الاراجوزات

و لما  واجهت صعوبه في التخلص من شغل الاراجوزات

ايقنت ان ما الدنيا الا سيرك كبير

X

ليه الناس ديما بيكون عندها ثقه اووي

!!ان مهما عملوا مكنهم هيفضل في قلبك زي ما هو

بجد بجد تعبت

امنيتي الاخيره هي ان

افقد عقلي

لالي ابحث عن مبررات لما افعله

حد عايز ؟؟

عندي مخزون حنان يكفي شعب بحاله

و بقيت كل يوم اول ما اصحي من النوم

و بعد ما اغسل سناني

اجري علي المرايا

و اخدني بالحضن 

واحد....و صلاحه

نسكافيه نسكافيه نسكافيه

و لما ازهق اشرب كاكاو

و بعد الكاكاو شاي

مع اني بكره الشاي

و هكذا تستمر الحياة

و فهمت....

وفي الكام يوم اللي فاته فهمت حاجات كتير اوي كنت عايزه اعرفها....و يارتني مفهمتها و لا عرفتها

- عرفت ان مشكلتي اني ببقي مستنيه من الناس اللي انا عايزه مش اللي هما يقدره يعملوه

-و للمره المليون اعرف قد ايه انا ساذجه

-و فهمت معني كلمه "نداله" ,و ان ازاي كلمه "اسف" ممكن ميبقاش ليها اي معني

-فهمت احساس الطفل الصغير اللي فقد حد عازيز عليه اوي و فقده من غير حتي ما يلحق يشبع منه

-فهمت يعني ايه تفقد حد في دقيقه...و يقلولك انه خلاص مات و ان عليك استيعاب كلمه"مات"بكل ما فيها من الم

-فهمت ان الصاحب بجد مش ضروري يبقا معانا علي طول و مش ضروري يسال كتير....و ان اللي معانا علي طول و بيسال علي طول مش ضروري يبقا صاحب بجد

-و فهت كمان ان الواحد مش من حقه يتكلم و يقول اللي في قلبه ...لان الكلام بيتحسب عليه

-و اتصدمت لما عرفت ان اولوياتي دي اخر حاجه الناس بتفكر فيها

-و فهمت عظمه ربنا و ان ازاي في اللحظه اللي فيها حد بيتولد في حياتنا...حد تاني بيموت.... بس اللي مش قدره افهمه ازاي ممكن نفرح و نحزن في نفس الوقت

-واخر حاجه فهمتها معني كلمه وحده

و بجد مبقاش عندي اي فضول لفهم اي حاجه تانيه......

ارجوزات مبضحكش

و انا اللي كنت عامله فيها ارجوز

اتريني فعيونك كنت ملل

تحت الاحباط بمراحل

ايه ازاي يعني.....؟ ازاي يعني  عايزين تبيعوا ذكرياتي بجد مش فهماكم ....؟

بطلوا بقا تكسروا مجديفي 

ما الحب الا جاكيت كبير

و لقد ارتدت ما بوسعها ان ترتديه.....انا افهمها جيدا فلقد عانية مثلها

مشكلتها ليست في دفئ جسدها ولكن في دفئ روحها

حاولت اعطائها اياه ....او حتي اعطائها خريطه ايجاده

و لكنها كانت لا تؤمن بما اقول ...مثلما كانت لا تؤمن بالعلاج النفسي

و ان ليس المريض النفسي بمجنون

فقد كانت تؤمن فقدت بالاشياء الملموسه و الارقام

فقررت تركها الي ان تقع في الحب فيومها ستؤمن باكثر من ذلك

و بهديلي اغنية لما الشتا يدق البيبان

 5-8-2009 

اكتفاء ذاتي

 انا : تعرفي انا زعلانه اوي

نفسي : ليه يا حبيبتي ؟؟

انا : مش هتصدقي ان كل العياط ده انا مش عرفاله سبب 

نفسي : يبقى اكيد حاجات صغيره كتير

انا : انا بجد مش عارفه بس انا تعبت و محدش مقدر اي حاجه انا حاسه اني لوحدي اوي 

نفسي : لا يا حبيبتي متقوليش كده ما انا معاكي و هفضل معاكي انا عمري معرف اعيش من غيرك

انتي بس ادخلي نامي دلوقتي انت مطبقه بقالك يومين و مينفعش كده

انا : طيب ممكن تحضنيني جامد خالص قبل ما انام !؟ 

ابقي قابلني

الندم مش هيفيدك ....الا في حاله واحده.....و هي ان ندمك ده يغير الي حصل

فوضة

لحدوث فوضي مضاعفه في قلبي 

انصحك بالاتي

انصحك بان تضعني في اول قائمة اولوياتك




22-9-2009 

ولا حاجه

ينتابني شعور انني الوحيده اللي في العالم اللي بقيت طول الوقت حاسه ب ولا حاجه 

عادت لي حالة اللا سلم و اللا حرب** 

**حاله هامشيه المشاعر و عدم الرغبه في شئ

**الحكي فوق مكعبات الرخام

(((الاحتواء)))

ماذلت افتقده بشتي الطرق

اذا تركت شخص

وحسمت الامر

فلا تعد اليه ثانيتا

فلربما يكون قد داوي جروحه

فلا تكن من يطعن في جروح من تسببت 

في جراحهم في الاصل

انا كده انا كده

ايوا انا شعنونه..

و ماتعملش عقلك بعقلي انا عقلي قد السمسمه..

و ماتستغربش لو لقتني بضحك علي ولا حاجه..

او لاقتني بعيط بشحتفه وانا برقص علي شيك شاك شوك ..

او وقفت في يوم اصوت في الشارع واشد في شعري..

 وعادي جدا لما ازعل منك واحدف جزمك من الشباك..

ولو لقتني بنتحر متنساش تحاول تمنعني..

او في يوم لما احرق رسوماتي كلها..!