20 November 2012
09 November 2012
احتفل بك في نفسي وبنفسي فيك
لما تفرح افرح اوي
ولما تزعل ازعل جدا
وروح ف كل شعور و احساس لاخرة
وحسه اوي بزمه
عوم ف الحاله الشعورية لغاية اعماق نفسك
عشان تتولد من جديد في كل مره
اتعلمت معاك ابطل اخاف من اللي جاي
وابقي بصه تحت رجلي
فرحانه بالنهارده
مش شايله هم زعل بكره
مع اني عارفه ان بعد كل نوبة فرح كبيرة ملونه
بتيجي نوبة زعل مغيمه
ولان الاحتمالات الوحشه كتير
قررت ابقي تافهه
اركز ع الحاجات المنمنمه
واسيب نفسي استسلم بالتصوير البطيئ للسعاده
بتولد بالحب من جديد
وبحاول شوية بشوية اخرج من شرنقتي
اكيد هخاف لحظة الخروج
بس مستمتعه بالمغامره
ابتدت تطلعلي جناحاتي الصغيرة تاني
لسه غير صالحه للرفرفه
بس مع الحب هتكبر
وف يوم اكيد هسيب نفسي انطلق
ولاني فكرت عكس تفكيري القديم
كنت خايفه اسيب نفسي احبك اوي
وتخذلني و تمشي واقع واتكسر
بس دلوقتي مع احتمال انك ممكن تمشي
قررت اسيب نفسي اوي واحبك لابعد الحدود
حتي لو هقع واتكسر مليون حته
واعيش انهارده مبسوطه
حتي لو بكرة مش جاي فوشيا اكيد ..!
“واعرف ان رحيلك محتوم
كما حبك محتوم
واعرف انني ذات ليلة سابكي طويلا
بقدر ما اضحك الان
وان سعادتي اليوم هي حزني الاتي
ولكني افضل الرقص على حد شفرتك
على النوم الرتيب كمومياء
ترقد في صندوقها عصورا بلا حركة”
― غادة السمان
العنوان من كتاب اما هذه فرقصتي انا :)
20 October 2012
حبيبتك مش عارفه نفسها
مش هعرف ارسم حلمنا لوحدي
وانا ايدايا بترتعش عشان مش باخد ادويتي
ولا بفطر كل يوم الصبح ..
ساعدني..
حط ايدك علي ايدي
ونمشي علي نقط المنمنمه فتوضح الصورة
و يتحقق الحلم
مش هعرف اكتب نهاية مؤقته سعيدة لقصه انا مش متاكده اني بطلتها ..
ببساطه ..محتاجاك
محتجاك تطمني..
عشان لما افرح معاك افرح بجد
والخوف يبطل يصادر ابتسامتي..
ليه لما بحكيلك علي نوبات فزعي معاك
مابسمعش غير صدي صوتي ..!
08 October 2012
06 October 2012
زحمة الحيطان
الكتابه ع الحيطه من صحابي والذكريات وتواريخ اعياد ميلاد وكلام اغاني وكلام سعيد
فرشات كتير والورد علي الباب والشباك صور ملزوقه لينا زمان
بصمه لينا ف كل شبر كل رسمه..كلمه..اغنية..صورة..
حاجات جميله ملونه وحجات مش جميله بس برده ملونه !
ومن سنه لما قررنا نمحي القديم ونحط نقطه ونبتدي من اول الحيطه
دهانات كتير الوان كتير ولوني العزيز مينفعش..فوشيا لا
يبقي روز والروز ده للسذجين والابرياء ..
انا مش بريئ انا شخبطة ..
مش انت قولت هنبتدي من جديد يبقي روزللبنات ..!
فضي وانقل وامسح ..
امسح كل بصمه لينا ف كل شبر
غير مكان كل حاجه و لغبط النظام و اثبت عليه
فيبقي ده هو النظام الجديد..
و كل يوم قبل ما انام افضي دولابي كله علي السرير و انام و سط الهدوم ..عشان الدفا ..
ارمي كل حاجه ليا تهمني ف كل ركن فاضي في المكان
عايزة احس ان المكان ده يخصني فعلا بتاعي
و ماما تدخل تزعق لمي حاجتك المتنتوره مدفعتش فلوس انا عشان اعيش ف مزبله !
و الم الحاجات و بعد ما تطلع..قبل ما انام ارمي الهدوم ع السرير..عشان الدفا
اخد القرار بعد سنه ارجع النظام زي القديم نفس الترتيب نفس الاماكن
لكن وجعني قلبي ليلتها يوم مانمت ولقيت الحيطه قدامي فراغ
من غير اسامي و شخبطه من غير اغاني
من غير رسايل موبايل و نمر تليفونات
محفوظة و متغطية تحت الكذا طبقة دهان !
و انا..انا اللي متغطية بالهدوم ..ومفيش دفا ..!
03 October 2012
01 October 2012
27 September 2012
اللي اتكسر يتصلح بالحب
انا مقتنعه جدا ان اللي اتكسر يتصلح لو كلنا هنستموت في المحاوله
لو لحمنا الشروخ ببوسه وحضن و مكعب سكر
وكلام حنين و طبطبه وحدوتة قبل النوم
الجرح هيدوب و يلتأم من جديد !
لو لحمنا الشروخ ببوسه وحضن و مكعب سكر
وكلام حنين و طبطبه وحدوتة قبل النوم
الجرح هيدوب و يلتأم من جديد !
و الحلو اللي راح , يجي احلي منه لو احنا عايزين
الفكره في الاراده.
المشكله كل المشكله لما تكرر تصلح اللي اتكسر لوحدك
و عادتا اللي اتسبب في تعقيد الخيط ولعبكته غالبا ما بيكنش موجود يساعدك تفكه!
فكل ما تحاول تصلح تعور اديك وقلبك
ولما "ترمي جناح مكسور ميطرش" عشان انت مدوتوش بالحبمتلمش نفسك في حاجات مينفعش ترجعها لوحدك..!
23 September 2012
انجازات صغيرة :)
عارف لما يبقي نفسك في حاجه اوي ..
فتخاف تسيب نفسك تحلم بيها وفجأه كده تلقيها بتتحقق :)
تدوينه "شبح محمد محود " هتتنشر في كتاب ال100 تدوينه
انجازات قد يظنها البعض صغير ..بس انا مبسوطه
رضوي ,رنيم ,سارة
انا بحبكم يا بنات متزعلوش
انتوا اعظم من كده بكتير<3 font="font">3>
انا بحبكم يا بنات متزعلوش
انتوا اعظم من كده بكتير<3 font="font">3>
16 September 2012
كأنما افئدتهم بشمعي مضاءة دون نقصان في حناني*
رغم كل الندوب الرماديه الابديه
لسه في طاقة نور غريبه طالعه من قلب الفراشة اللي في قلبي
لسه رغم كل شئ قادرة اسامح اوي
مسامحه واسعه و عميقه مفيهاش شوائب
فعلا بجد عايزة اساعدك تقوم و تكمل
عايزاك سعيد !
رغم اني عارفه ان و انا بلم تناتيفك المتنتورة
عشان الصمها بضحكه و لمسه حنينه و ان امكن بوسه في القلب و مكعب سكر
اكيد هجرح اديا
بس زي ماقولتلك اللي ايده "زي" قلبه هيدخل الجنه
انا عندي استعداد افضل ادي و ادي و ادي لابعد الحدود
مش مستنيه حاجه ..خالص
يكفيني فرحي بيا و انا لسه قدرة ادي رغم عمق الجراح اللي فيا
اللي في كل مره يحاول يلتام يداس عليه تاني
مش فارق معايا تحبني دلوقتي ..انا بحبك ديما
انا بس استريحت لما اقولت في وسط كلامك ان اللحظات اللي بتلمع بنا كانت بجد!
يكفيني ان اللي عشته كان شئ ابعد من السحر
انا مش همشي بصه ورايا بس يكفيني طعم الذكرة الحلو اللي لسه مادبش !
ومش هتعشم في اللي جاي ..انا راضيه مقدما
طلبت مني اساعدك تقف علي رجلك تاني ..
انا مستعده اكون مناعتك اللي هتحارب كل الميكروبات
بس اديني فرصتي احارب بدالك
حسستني بالمسؤليه ..بس مقولتليش اعمل ايه !
خايفه بعد ما الصمك تنتكس ..و ابقي انا السبب
اديني فرصتي ..اديك كل الاحاسيس الجميله
زي مكان لازم تديني فرصتي عشان احبك اووي و احميك
انا عندي استعداد افضل ادي و ادي و ادي لابعد الحدود
مش مستنيه حاجه ..خالص
يكفيني فرحي بيا و انا لسه قدرة ادي رغم عمق الجراح اللي فيا
اللي في كل مره يحاول يلتام يداس عليه تاني
مش فارق معايا تحبني دلوقتي ..انا بحبك ديما
انا بس استريحت لما اقولت في وسط كلامك ان اللحظات اللي بتلمع بنا كانت بجد!
يكفيني ان اللي عشته كان شئ ابعد من السحر
انا مش همشي بصه ورايا بس يكفيني طعم الذكرة الحلو اللي لسه مادبش !
ومش هتعشم في اللي جاي ..انا راضيه مقدما
طلبت مني اساعدك تقف علي رجلك تاني ..
انا مستعده اكون مناعتك اللي هتحارب كل الميكروبات
بس اديني فرصتي احارب بدالك
حسستني بالمسؤليه ..بس مقولتليش اعمل ايه !
خايفه بعد ما الصمك تنتكس ..و ابقي انا السبب
اديني فرصتي ..اديك كل الاحاسيس الجميله
زي مكان لازم تديني فرصتي عشان احبك اووي و احميك
مزق من حنانك *
بخيط أخير
بأبرة لا تخاف
احوك جسدك ثانية.
أرتق القلب اولا,
ثم اجمع
ما تبعثر منك
حولك ,
وحيث الفراغات التي احدثها اخرون
اقطع روحي
رقعا صغيرة .
سوزان عليوان *
15 September 2012
14 September 2012
اشاره كونية
الصبح بدري و انا نازله التجديف
دعيت ربنا يبعتلي فرصه تانيه و وعدته اني هحاول باقصي ما عندي اني استغلهت
و طلبت اشارة كونيه وضحه و مضيئة
دعيت ربنا يبعتلي فرصه تانيه و وعدته اني هحاول باقصي ما عندي اني استغلهت
و طلبت اشارة كونيه وضحه و مضيئة
12 September 2012
حارب عشاني
كنت متخيله زمان ان لما حد يحبك اووي
هيحارب نفسه
والدنيا
والكون
وقوي الطبيعة
والناس دي كلها
والدنيا
والكون
وقوي الطبيعة
والناس دي كلها
عشان بس يكون معاك.
كنت متخيله ان لما حد يحبك اووي
مش هيستحمل يشوفك زعلان
ومقهور
وهيحاول يخفف عنك!
كنت متخيله ان لما حد يحبك اووي
مش هيخليك تغيب عن عينه
و انا بس كان نفسي اوحشك !
كنت متخيله ان لما حد يحبك اووي
مش هيحاول ينساك
مش هيحب حد عشان ينساك
كنت متخيله ان لما حد يحبك اووي
هيتكلم عنك كويس حتي لو مش مع بعض !
كنت متخيله ان لما حد يحبك اووي
هينتهز كل الفرص المنمنمه عشان يشبع منك
كنت متخيله ان لما حد يحبك اووي
مش هيستحمل يشوفك زعلان
ومقهور
وهيحاول يخفف عنك!
كنت متخيله ان لما حد يحبك اووي
مش هيخليك تغيب عن عينه
و انا بس كان نفسي اوحشك !
كنت متخيله ان لما حد يحبك اووي
مش هيحاول ينساك
مش هيحب حد عشان ينساك
كنت متخيله ان لما حد يحبك اووي
هيتكلم عنك كويس حتي لو مش مع بعض !
كنت متخيله ان لما حد يحبك اووي
هينتهز كل الفرص المنمنمه عشان يشبع منك
بس اكتشفت ان لا اصلا مش شرط يعني!
08 September 2012
فيونكات
عمرك جربت تركب عجله علي البحر واخر موجه تلمسك ..
انا جربت كتتتتتير :))
فكراك الانهارده كتير..
فاكر يجي من 12 سنه لما كنت بتخدني وراك ع العجله و نروح ناكل ايس كريم من بعيد
اصلا احنا اتعرفنا علي بعض بالعجل ..كانت لحظة تاريخية علي فكرة بس احنا مخدناش بالنا..
طيب فاكر البوم عمر دياب علم قلبي لما اكتشفناه سوا ..و لما كنت بتنزل السلم كله بالعجله ..كنت بتبهرني !
وبننهي اليوم بقعده طويله تحت نشوف الشهب والنجوم ونراقب السما و نحكي ..فاكر؟ ..انا فاكره..كويس اووي اووي
فاكر لما عجلتي اتكسرت و نقلناها علي عجلتك و قضيت بقيت الصيف من غير عجله :') فات يجي 8 صيف من غيرك ..من غير عجل !
انت مش حقيقي دلوقتي عشان هتفضل بالنسبه لي الولد الصغير اللي بشعر اصفر شبه شعري ..
بيلعب معايا بالعجله و ياخدني وراه و يجبلي ايس كريم
بيلعب معايا بالعجله و ياخدني وراه و يجبلي ايس كريم
مكنتش ابدا تفهم زعلي ومشكلي بس كانت ديما بتحاول تساعدني.وغالبا كانت بيفشل بس انا كنت بمبسط ان في حد معايا .... مكنتش لوحدي :')
وكالعاده..باخد من الحكايات بس البدايات السعيده وديما النهايات المفتوحه
وبتخطي كل الزعل والحزن والمشاكل وبنساه
واحتفظ بس باللحظات الملونه اللي بتلمع ..!
وبتخطي كل الزعل والحزن والمشاكل وبنساه
واحتفظ بس باللحظات الملونه اللي بتلمع ..!
23 August 2012
16 August 2012
سنوات الارق التي لا تمر
كلما زحفت الي اعماق النوم اجدك تنتزعني منه و بقوة
لقد تعبت اريد النوم ..فالترحمني قليلا لعلي اغفو ..لعلي انساك مؤقتا !!
لقد تعبت اريد النوم ..فالترحمني قليلا لعلي اغفو ..لعلي انساك مؤقتا !!
01 August 2012
25 July 2012
22 July 2012
07 July 2012
ارقدي بسلام يا صبارتي العزيزة
اصبحت كل شروق اجلس اشاهد صبارتي و هي تموت ..
ولا استطيع فعل شئ..!
عندما اراه يوم الجمعه ساقول له ان الصبارة اللي جبتهالي من غير مناسبه
ماتت من غير سبب
اقسم انني اعتنيت بها ..ولكن من الواضح انها لم تحبني
و واضح ايضا ان ليس البشر فقط من يتركوني
اصبحت متأكده ان مع كل شئ سيئ يحدث ان الله يعاقبني" لا اله الا انت سبحانك انى كنت من الظالمين "
“حاجات كتير
فى حياتى اللى فاتت
راحت
بس لسه
عندى امل فيها
عشان كده
الزرعه الميته
فى بلكونتى
مع انها خلاص
ماتت
يوماتى باسقيها ...” *
― خالد كساب
فكرة يوم ما جبتهالي و فضلت اتنطط واقولك اد ايه انا مبسوطه و ان دي احلي كادو جاتلي ..
و انت قولتلي ان انا اوفر و كان ممكن اقولك "شكرا " و بس بدل كل التنطيط ده
شكرا يا صديقي الصغنون <3
انا قررت انزل ادفنها في الجنينه جمب قبر بابسي (القطه بتاعتي) :( !
و انت قولتلي ان انا اوفر و كان ممكن اقولك "شكرا " و بس بدل كل التنطيط ده
شكرا يا صديقي الصغنون <3
انا قررت انزل ادفنها في الجنينه جمب قبر بابسي (القطه بتاعتي) :( !
أبيض وأسود
محاولات للروقان هذا الصباح
نشر الغسيل وقت تغير الوان السما
مع الغنا بصوت عالي و العالم لسه نايم
قعاد ع الشباك بعد مخلص استمتع بالنور
هموت علي قهوة بس انا لسه منمتش
مبنمش وقت النوم و مبصحاش وقت الصحايان
ما هي دي الاجازة..!
مسامحه الناس كلها ع طول مش انهارده بس
اصلا انا مش بزعل غير زعل مؤقت مفتعل
متصلحه مع نفسي انهارده
بطلت الومني ..بطلت !
انا نسخه مني زمان بس ابيض واسود
ومش عارفه ارجع تاني بالالوان
شلالات الوان و قوس قزح
و دعوتي وسط الصلي يارب صلحني..يارب لصمني
فجاة مبقتش عارفه اكتب
حاسه ان كل الكلام اتقال
يمكن عشان كل الاحاسيس متجربه ..حتي الاحساس ده !
اعتقد اني ادتني وقتي في الحزن و التوهان و التفكير بكفايه
بعمل حاجات كتيرة جديده ..لوحدي !
و بروح اماكن لاول مره ..بالغصب مني و التشجيع
بس بعد كده بتبسط مني
جه الوقت اللي ابطل ابص في علي خسارتي
المفروض ابص جوايا
انا من جوه عامله زي اوضتي دلوقتي
مفيش حاجه في مكنها.
نفسي انام و اصحي الاقي ماما تكفلت بترتيب كل حاجه
جوه وبره
و نومي ميبقاش بس فصل بين يوم و التاني
لكن كمان فصل بين حياه قديمه مبهدلة وحياة ملونة
و نبدأ من جديد ..
نشر الغسيل وقت تغير الوان السما
مع الغنا بصوت عالي و العالم لسه نايم
قعاد ع الشباك بعد مخلص استمتع بالنور
هموت علي قهوة بس انا لسه منمتش
مبنمش وقت النوم و مبصحاش وقت الصحايان
ما هي دي الاجازة..!
مسامحه الناس كلها ع طول مش انهارده بس
اصلا انا مش بزعل غير زعل مؤقت مفتعل
متصلحه مع نفسي انهارده
بطلت الومني ..بطلت !
انا نسخه مني زمان بس ابيض واسود
ومش عارفه ارجع تاني بالالوان
شلالات الوان و قوس قزح
و دعوتي وسط الصلي يارب صلحني..يارب لصمني
فجاة مبقتش عارفه اكتب
حاسه ان كل الكلام اتقال
يمكن عشان كل الاحاسيس متجربه ..حتي الاحساس ده !
اعتقد اني ادتني وقتي في الحزن و التوهان و التفكير بكفايه
بعمل حاجات كتيرة جديده ..لوحدي !
و بروح اماكن لاول مره ..بالغصب مني و التشجيع
بس بعد كده بتبسط مني
جه الوقت اللي ابطل ابص في علي خسارتي
المفروض ابص جوايا
انا من جوه عامله زي اوضتي دلوقتي
مفيش حاجه في مكنها.
نفسي انام و اصحي الاقي ماما تكفلت بترتيب كل حاجه
جوه وبره
و نومي ميبقاش بس فصل بين يوم و التاني
لكن كمان فصل بين حياه قديمه مبهدلة وحياة ملونة
و نبدأ من جديد ..
05 July 2012
04 July 2012
و كبرنا سنه !
ماشي ..اوكيه
كل سنه و انتي .. مم ..معرفش عامله ايه ! كل سنه و احنا مش صحاب
انهارده مش بس عيد ميلادك لا
انا كمان بحتفل باخر خروجه لينا باظت
عشان انا احترمت قرارك و انسحبت
و يمكن اخر مكلمه ..مش فكره
بس فكرة اني استنيتك
و كنت متوقعه انك هتنسي
نسيتي تكلميني
و نسيتي تسألي
و نسيتي عيد ميلادي
عارفه انا كمان نسيت
و ناس اخدت مكانك
اهلي بيسؤلوا عليكي كل فترة
و ماما ساعات كتير بتلومني عشان مش بكلمك
اهلك وحشوني برده
والبيت و الاوضه
اخواتك
النادي و البيت عندي يوم الخميس
الاندومي بالمدزرله
الشوبينج
الصور
الرغي اللانهائي
و الحاجات اللي بتحصلنا في نفس الوقت
و الضحك من غير سبب
التفاصيل
التفاصيل
التفاصيل
يااااه
بس كنت عايزة اقول رغم كل الزعل ده
انهارده مش بس عيد ميلادك لا
انا كمان بحتفل باخر خروجه لينا باظت
عشان انا احترمت قرارك و انسحبت
و يمكن اخر مكلمه ..مش فكره
بس فكرة اني استنيتك
و كنت متوقعه انك هتنسي
نسيتي تكلميني
و نسيتي تسألي
و نسيتي عيد ميلادي
عارفه انا كمان نسيت
و ناس اخدت مكانك
اهلي بيسؤلوا عليكي كل فترة
و ماما ساعات كتير بتلومني عشان مش بكلمك
اهلك وحشوني برده
والبيت و الاوضه
اخواتك
النادي و البيت عندي يوم الخميس
الاندومي بالمدزرله
الشوبينج
الصور
الرغي اللانهائي
و الحاجات اللي بتحصلنا في نفس الوقت
و الضحك من غير سبب
التفاصيل
التفاصيل
التفاصيل
يااااه
بس كنت عايزة اقول رغم كل الزعل ده
الا ان دول كانوا 8 سنين مميزين فعلا في حياتياذهبي الي الجحيم يا عزيزتي !
3.7.12
3.7.12
28 June 2012
23 June 2012
المجد للوحدة
صديقي الذي توفي والده منذ فترة لم يعد يتعاطف مع ألامي ..فكل من هم اقل منه ألما لم يعودوا يستحقون التعاطف ..
لم يعد يسمع ما اقول او ما اشعر ..فقط يظهر في الوقت المناسب لكن ما الفائدة !
وتعاطفك معه لن يزيده الا عدائا ..
هه ..قد اصبحت وحدي ..وما الجديد ..فانا وحدي منذ الازل
عندما يظهر احد في حياتي و يبدي لي الحب ..
اخاف ..و خوفي يغيرني ..يجعلني شخصية عدوانية انا الاخري ..
فماجدوي التعاطف ..ما جدوي الحب ..
وحدها الوحدة هي ما تبقي دائما ..فالمجد للوحدة..
و تبا لنا جميعا..!
وتعاطفك معه لن يزيده الا عدائا ..
هه ..قد اصبحت وحدي ..وما الجديد ..فانا وحدي منذ الازل
عندما يظهر احد في حياتي و يبدي لي الحب ..
اخاف ..و خوفي يغيرني ..يجعلني شخصية عدوانية انا الاخري ..
فماجدوي التعاطف ..ما جدوي الحب ..
وحدها الوحدة هي ما تبقي دائما ..فالمجد للوحدة..
و تبا لنا جميعا..!
22 June 2012
مزيد من العك
انا كويسة ..هه بحاول
دكتور تقدر تفسرلي ليه لما ببقي زعلانة اوي و مضايقه و كتمه في نفسي غضب و نرفزة
ليه مخزون الزعل كله بيقلب تعب لما احاول اتجاهله ؟!
تعب جامد اوي و وجع و دغدغه في الجسم
كأني بحتضر ..الموت مش شر ..الموت مرحلة
عارف حتي مبقاش ليا نفس اكل شوكولا ..حطاها قدامي
سلحي نفسك باشوكولا زي ما احلام قالت..
فاكر لما قولتلي أخر مرة شوفتني يارتني ما شوفتك اديكي وحشتيني اكتر من الاول
عارف يارتني ما شوفتك اديك وجعتني اكتر من الاول !!
*عتابك ملوش لزوم العتاب عشم و انا مبقتش متعشمه فيك
عشان انا مينفعش اقنع الراجل الوحيد الللي اتمنيته من الدنيا انه يفضل معايا و هو مش عاوز و لا حابب
سبتني اتخيل اني ماليه عينك و اني ممكن اكون كفايه عندك و انك صحيح ..بتحبني *
thx for nothing
لازم تعرف.. انت اللي بتسستم نفسك !
فاكر لما قولتلي أخر مرة شوفتني يارتني ما شوفتك اديكي وحشتيني اكتر من الاول
عارف يارتني ما شوفتك اديك وجعتني اكتر من الاول !!
*عتابك ملوش لزوم العتاب عشم و انا مبقتش متعشمه فيك
عشان انا مينفعش اقنع الراجل الوحيد الللي اتمنيته من الدنيا انه يفضل معايا و هو مش عاوز و لا حابب
سبتني اتخيل اني ماليه عينك و اني ممكن اكون كفايه عندك و انك صحيح ..بتحبني *
thx for nothing
لازم تعرف.. انت اللي بتسستم نفسك !
انا مبخفش اروح اماكن لاول مره لوحدي
انا بس مبحبش ابقي لوحدي
يمكن عشان كده بقيت لزقه في ماما جدا..و بابا ساعات
بخرج معاهم و قاعده معاهم و برغي معاهم كتير
لدرجه انهم حسو اني مش طبيعيه
و انا من امتي بقعد في البيت كل ده
دول كانوا بيقعدوني في البيت بالعافيه
عارف بقيت حسه ان بابا و ماما يعني الامان
يعني محدش يقدر يؤذيني و لا يكسر قلبي
كأني بصغر مش بكبر
وفجاة لقتني بقيت البنت المطيعه و المفضله !
وفجاة لقتني بقيت البنت المطيعه و المفضله !
بحاول انفذ خطتي الكبيرة اووي اللي نصها هيفشل
حجزت كورس ديكور و جرافكس و نفسي احضر الفاشون كمان
اشتركت في كلاس جودو و بعدين اكتشفت انه دفاع عن النفس
المهم اني روحت و طلعت طاقة مكبوته في الضرب و الجري
و بعيدا عن ان الكابتن قالي روحي العبي باليه احسن
كل ما ابتدي افيص يقولي تخيلي اللي قدامك شفيق او المجلس العسكري اضربي اجمد
مع انه فلول و انتخب شفيق
المهم اني روحت و طلعت طاقة مكبوته في الضرب و الجري
و بعيدا عن ان الكابتن قالي روحي العبي باليه احسن
كل ما ابتدي افيص يقولي تخيلي اللي قدامك شفيق او المجلس العسكري اضربي اجمد
مع انه فلول و انتخب شفيق
اليوجا ..نفسي ترجع تاني حاجه مقدسة عندي زي زمان
مش لاقيه حاجه اقرائها جديده
عماله اعيد في اخر كتابين قراتهم اخلصهم و اعدهم هم الاتنين
بحب اقرا كذا كتاب في نفس الوقت
رجعت اتفرج علي لوست تاني عشان انا مش ممله
بس عارف لما بحب حاجه بحبها اوي
بافوره ..انا اصلا اوفر
بحب الحاجات بافوره و لما بكره حاجه بكرها برضه بافوره
انا شخص مبالغ فيه من غير سبب
و دي مش حاجه حلوه
عشان مينفعش الدنيا تمشي يا اسود يا فوشيا بس ..!
انا شخص مبالغ فيه من غير سبب
و دي مش حاجه حلوه
عشان مينفعش الدنيا تمشي يا اسود يا فوشيا بس ..!
انا كنت فكره اني مش كويسه
بس لما فعلا بقيت مش كويسه
عرفت اني كنت كويسه مش اوي يعني بس احسن من دلوقتي!
بس انا وصلت لمرحله اني مبطلبش مساعده من حد
مبطلبش حد افضفضله
مبفضفضش اصلا
يمكن هنا ساعات
لما بحب اتكلم بدخل اوضتي و اطفي النور و اقعد
علي الشباك زي زمان اتكلم معايا
بس مبقعدش كتير عشان النموس مبقاش زي زمان
بس لما فعلا بقيت مش كويسه
عرفت اني كنت كويسه مش اوي يعني بس احسن من دلوقتي!
بس انا وصلت لمرحله اني مبطلبش مساعده من حد
مبطلبش حد افضفضله
مبفضفضش اصلا
يمكن هنا ساعات
لما بحب اتكلم بدخل اوضتي و اطفي النور و اقعد
علي الشباك زي زمان اتكلم معايا
بس مبقعدش كتير عشان النموس مبقاش زي زمان
انا مش مجنونه ..انا بس زعلانه
و لما بحب حد اووي ببقي عشوائيه و بتصرف بجنان
ببقي خايف و الخوف بيغيرني
مببقاش علي طبيعتي ..
انا كنت خايفه ..اوي
كنت خايفه اسيب نفسي اتجرح
و اديني وقعت من غير ماسيب نفسي..!
بحاول اشغل وقتي عشان مفكرش
عشان مسألش اسئله كتير توجع معرفلهاش اجابه
عارف انا وفقت اشوفك عشان كان عندي كلام كتير اوي اقوله
و اسئله عايزلها اجابات ليها
ورحت و رجعت ..مكسوره اكتر من الاول ..من غير مسأل ولا سؤالكان كل همي انك بس تغلط و اسمعك بتقول حبيبتي !
*-اللي حصل حصل و متقدرش تغيره
-صح
-غلط
-لما الدنيا تديك ضهراها ادي ضهرك للدنيا*
لما مبسؤلش عليك بتفتكرني و لما اتكلم معاك شويه مش بترد عليا
عارف ..الاستغناء هو الحل
انا برود نفسي ..ده التعبير الصحيح
كفايه كده ..عشان انا ابتديت اقول حاجات انا مش عايزة اقولها
بس بقولها عشان استريح ..بس الفضفضه الكتير غالبا بتتقلب بنكد
انا مابقتش كئيبه
انا بس بقيت بستسلم للكائبه بسرعه
عاااا انا بقيت مجنونه ..!
1-* روح قلب ماما
2-* تيمون و بومبا
البوست ده انا اترددت اوي اني انزله معرفش ليه
و عشان معرفش ليه عندا فيا نزلته :)
2-* تيمون و بومبا
البوست ده انا اترددت اوي اني انزله معرفش ليه
و عشان معرفش ليه عندا فيا نزلته :)
17 June 2012
عدوي الصراخ
عندي رغبه في ان اقف في ميدان التحرير و اصرخ باعلي صوتي , و انا علي ثقة ان الصراخ كالتصفيق كلاهما ينتقلان للناس بالعدوي فما ان اصرخ حتي يصرخ الجميع معي كل من وجيعته..
من رواية قالب سكر
11 June 2012
التعب..التعب
التعب التعب ..
صخب الافكار
الكركبه اللي في دماغي
الارهاق من اللا شئ ..
قاعدة في هدوء بس مش حساه
و لما بروح بليل بحس ان انا لسه مروحتش
لسه عايزة اروح اكتر ..
كلام مبيتفهمش ..بيتحس ..اعتقد
معنديش خطه
كلام مبيتفهمش ..بيتحس ..اعتقد
معنديش خطه
و بدور علي ميليون حاجه
ولا حاجه منهم معايا..
عايزة اعمل ميت حاجه
مبعملش منهم ولا حاجه..
اصحي الضهر اقوم بالعافيه من السرير
من الصداع و الضغط الواطي
اترمي علي الكنبه بره
لغايه متعب اكتر
اروح انام علي السرير
و كاني بتعب في المسافه اللي بين الكنبه و السرير..
بفكر..
و كاني بتعب من التفكر
حرق الافكار ف دماغي
بيطلع دخان يخنق..
المفروض اعمل ايه ؟
ولا حاجه منهم معايا..
عايزة اعمل ميت حاجه
مبعملش منهم ولا حاجه..
اصحي الضهر اقوم بالعافيه من السرير
من الصداع و الضغط الواطي
اترمي علي الكنبه بره
لغايه متعب اكتر
اروح انام علي السرير
و كاني بتعب في المسافه اللي بين الكنبه و السرير..
بفكر..
و كاني بتعب من التفكر
حرق الافكار ف دماغي
بيطلع دخان يخنق..
المفروض اعمل ايه ؟
انا مش عارفه
و التفكير في اجابه للسؤال ده
بترهقني اكتر..
انا عندي صداع مش بيروح
و ضغط واطي مش راضي يعلي
و ضربات قلبي سريعه اووي
و حاسه اني مش عارفه اتنفس
و عايزة شوكولا
و بفكر ..في الموت
و التفكير في اجابه للسؤال ده
بترهقني اكتر..
انا عندي صداع مش بيروح
و ضغط واطي مش راضي يعلي
و ضربات قلبي سريعه اووي
و حاسه اني مش عارفه اتنفس
و عايزة شوكولا
و بفكر ..في الموت
حاسه ان في دماغي شخبيط
بحاول افك طلاسمها..
مش بستوعب الكلام
و بفضل اكرره لغايه ميتوه اكتر و يضيع معناه..
بقالي كتير منزلتش من البيت مشيت في الشوارع بلا هدف
بقالي كتير متهتش
مشفتش شوارع معرفهاش..
هو ينفع الواحد يبقي احاسيسه مكركبه و موده وحش
و ينبسط بحاجات تفهه انبساط مؤقت بس مش مفتعل ؟
اصل انا لما بحس بكده ..بحس اني مبتزله
ابتزال ..دي كلمه معبره اوي
سهتنه..دي كلمه بيخه اوي
هو انا مسهته فعلا ؟
طنط البايخه قالت عليا كده من فتره
بس حزه في نفسيتي قوي علي فكره
هو انا معقده ؟
قصدي بقيت معقده ؟ ..ممكن ليه لا ؟!
العسكر علم علي نفسيتي ..
بقي عندي تبلد في مشاعري
حزن مش واقعي بس اساسي ..و فرح مؤقت
مبيهنش عليا اضحك من قلبي ..
بفضل اقول لنفسي الفرح و الضحك مش جريمه
بفضل اقول لنفسي ربنا مخلقناش عشان يعذبنا !
بس ساعات بفكر ان الحرمان و العياط و الانفجار ده نوع من كبت المشاعر
طيب كبت المشاعر ده مش نوع من العذاب ..
ليه انا اللي ضميري واجعني ..و مش انا اللي قتلت و سرقت و عذبت و سجنت و سحلت و كدبت ..الخ
ليه انا اللي مش بعرف انام بليل
هو الضمير بيوجع من المسؤوليه ؟ و لا الكتاف بس ؟!
بس انا جسمي كله مدغدغ
باخد فيتامينات و مسكنات ياتعيش حد مات
ياتموت حد عايش ..
طيب انت حي ولا عايش؟
المهم اني بحاول اتعايش ..بس مش عارفه
بحاول افك طلاسمها..
مش بستوعب الكلام
و بفضل اكرره لغايه ميتوه اكتر و يضيع معناه..
بقالي كتير منزلتش من البيت مشيت في الشوارع بلا هدف
بقالي كتير متهتش
مشفتش شوارع معرفهاش..
هو ينفع الواحد يبقي احاسيسه مكركبه و موده وحش
و ينبسط بحاجات تفهه انبساط مؤقت بس مش مفتعل ؟
اصل انا لما بحس بكده ..بحس اني مبتزله
ابتزال ..دي كلمه معبره اوي
سهتنه..دي كلمه بيخه اوي
هو انا مسهته فعلا ؟
طنط البايخه قالت عليا كده من فتره
بس حزه في نفسيتي قوي علي فكره
هو انا معقده ؟
قصدي بقيت معقده ؟ ..ممكن ليه لا ؟!
العسكر علم علي نفسيتي ..
بقي عندي تبلد في مشاعري
حزن مش واقعي بس اساسي ..و فرح مؤقت
مبيهنش عليا اضحك من قلبي ..
بفضل اقول لنفسي الفرح و الضحك مش جريمه
بفضل اقول لنفسي ربنا مخلقناش عشان يعذبنا !
بس ساعات بفكر ان الحرمان و العياط و الانفجار ده نوع من كبت المشاعر
طيب كبت المشاعر ده مش نوع من العذاب ..
ليه انا اللي ضميري واجعني ..و مش انا اللي قتلت و سرقت و عذبت و سجنت و سحلت و كدبت ..الخ
ليه انا اللي مش بعرف انام بليل
هو الضمير بيوجع من المسؤوليه ؟ و لا الكتاف بس ؟!
بس انا جسمي كله مدغدغ
باخد فيتامينات و مسكنات ياتعيش حد مات
ياتموت حد عايش ..
طيب انت حي ولا عايش؟
المهم اني بحاول اتعايش ..بس مش عارفه
قايمه في نص اليليل اكتب كلام مش فهماه
بعيون شبه مقفله
و بحاول اكتشف سر الوجود
بعيون شبه مقفله
و بحاول اكتشف سر الوجود
بس السر الوحيد اللي باين قدامي زي الشمس في نص الليل
ان انا ماشيه بخطي واسعه و سابته للجنون
مصيري هوصل ..اكيد
مش المجانين في نعيم
الحمد لله مقدما..
انت مش راضي تهمد في دماغي
خيلتني ..!
افكر فيك و ارجع افكر فيا
و بعدين افكر فيا و انا معاك و فيا لوحدي
و فينا دلوقتي
و بعدين ارجع افكر ان العسكر عمرهم ما هيعملو انتخابات غير لما تكون في صالحم
مش هيسلموا نفسهم يعني
و بعدين افكر في رايك في الانتخابات و المقاطعه
و بعدين افكر في رائي قبل ماعرف رايك و بعدين افكر فينا ..الخ
جبتلي انهيار عصبي و فكري
بتشتت تركيزي و بتجبلي مزيد و مزيد من التعب
ان انا ماشيه بخطي واسعه و سابته للجنون
مصيري هوصل ..اكيد
مش المجانين في نعيم
الحمد لله مقدما..
انت مش راضي تهمد في دماغي
خيلتني ..!
افكر فيك و ارجع افكر فيا
و بعدين افكر فيا و انا معاك و فيا لوحدي
و فينا دلوقتي
و بعدين ارجع افكر ان العسكر عمرهم ما هيعملو انتخابات غير لما تكون في صالحم
مش هيسلموا نفسهم يعني
و بعدين افكر في رايك في الانتخابات و المقاطعه
و بعدين افكر في رائي قبل ماعرف رايك و بعدين افكر فينا ..الخ
جبتلي انهيار عصبي و فكري
بتشتت تركيزي و بتجبلي مزيد و مزيد من التعب
ما كل هذا الخراء ..!
محمله نفسي شخصيا مسؤوليه كل حاجه في البلد
و ده بيزيد من تعبي
و ضيق النفس
شهيق ..زفير ..
اهدي ..
زفير ..شهيق ..لغبطيهم كده
فين ايدك اليمين و فين ايدك الشمال؟
طيب فين ايدك الشمال و فين ايدك اليمين؟
ماشي طيب مين اللي جه الاول الفرخه ولا البيضه؟
مين ؟
مين اللي جاب التورته ؟!..
اكيد ربنا خلقني لهدف
محمله نفسي شخصيا مسؤوليه كل حاجه في البلد
و ده بيزيد من تعبي
و ضيق النفس
شهيق ..زفير ..
اهدي ..
زفير ..شهيق ..لغبطيهم كده
فين ايدك اليمين و فين ايدك الشمال؟
طيب فين ايدك الشمال و فين ايدك اليمين؟
ماشي طيب مين اللي جه الاول الفرخه ولا البيضه؟
مين ؟
مين اللي جاب التورته ؟!..
اكيد ربنا خلقني لهدف
طيب ايه هو ؟!
الللون الرومادي ده لما فكرت فيه لقيته محايد بطريقه توجع
عارف طيب ايه اللي يوجع اكتر؟
الللون الرومادي ده لما فكرت فيه لقيته محايد بطريقه توجع
عارف طيب ايه اللي يوجع اكتر؟
انك تعجب بيا و بعدين تقولي انك بتحبني
و بعدين يتضحلي انك مش عارف
و بعدين ممكن تكون اتسرعت مش عارفه
و بعدين تبعد من غير متسبني
و بعدين اسيبك
و بعدين احاول اتاقلم بس كل ما اوصل لمرحله اني ابطل افكر فيك اول مافتح عيني الصبح
بعد ماوصل للمرحله دي
القيك اقتحمت كل ده عشان تقول مزييد من الكلام المبهم و تختفي
و بعدين ارجع اعيد انا مع نفسي نفس المشاعر و نفس الكلام اللي افضل اقولهولي
واحاول اهدي ..شهيق ..زفير
و بعدين تظهر تاني..
انت عايز ايه ؟
يمكن ده سؤال مهم مبهم برده ؟
مبحولش اعرفله اجابه ..شكلك لسه مش عارف
اصل المشكله من البدايه لما تخيلتك غيرهم
و تخيلتطك فكرني غرهم
بس عارف احنا مش استثناء
مفيش حد استثناء
يعني ايه استثناء اصلا
دي قصه عاديه تفها اتكررت معايا تلت مرات
و انا الهبله اللي بقعد علي حسها سنين عشان اخف
مش هنبطل هبل بقي ؟
طيب مش هنكبر بقي ؟
بس عارف انا حاسه من جوايا اوي اني حد عجوز
80 سنه ممكن اكتر
تجعيد ماليا قلبي
و مصروفي ضايع علي الكريمات المضاضه للتجاعيد و ادويه للمستشفي الميداني
لو انت فاهم قولي ..حللني
احنا كلنا مرضه نفسين يا عزيزي
حتي انت ..
طيب ازاي تعالج حد من نفس المرض اللي عندك
النفسيه الانسانيه الوعره اللعينه
كلنا هذا المريض..
و بعدين يتضحلي انك مش عارف
و بعدين ممكن تكون اتسرعت مش عارفه
و بعدين تبعد من غير متسبني
و بعدين اسيبك
و بعدين احاول اتاقلم بس كل ما اوصل لمرحله اني ابطل افكر فيك اول مافتح عيني الصبح
بعد ماوصل للمرحله دي
القيك اقتحمت كل ده عشان تقول مزييد من الكلام المبهم و تختفي
و بعدين ارجع اعيد انا مع نفسي نفس المشاعر و نفس الكلام اللي افضل اقولهولي
واحاول اهدي ..شهيق ..زفير
و بعدين تظهر تاني..
انت عايز ايه ؟
يمكن ده سؤال مهم مبهم برده ؟
مبحولش اعرفله اجابه ..شكلك لسه مش عارف
اصل المشكله من البدايه لما تخيلتك غيرهم
و تخيلتطك فكرني غرهم
بس عارف احنا مش استثناء
مفيش حد استثناء
يعني ايه استثناء اصلا
دي قصه عاديه تفها اتكررت معايا تلت مرات
و انا الهبله اللي بقعد علي حسها سنين عشان اخف
مش هنبطل هبل بقي ؟
طيب مش هنكبر بقي ؟
بس عارف انا حاسه من جوايا اوي اني حد عجوز
80 سنه ممكن اكتر
تجعيد ماليا قلبي
و مصروفي ضايع علي الكريمات المضاضه للتجاعيد و ادويه للمستشفي الميداني
لو انت فاهم قولي ..حللني
احنا كلنا مرضه نفسين يا عزيزي
حتي انت ..
طيب ازاي تعالج حد من نفس المرض اللي عندك
النفسيه الانسانيه الوعره اللعينه
كلنا هذا المريض..
عارف انا بعمل ايه دلوقتي ؟
انا بهزي
بطلع خزين شهور
كلام ملغبط و انفاس سريعه
هف اهدي ..طيب اقولك شهيق ..زفير
اوكيه ماشي و بعدين
انا مش عارفه احلم
ده ملوش دعوه بكوبيس بليل
لا احلام و خطط للحياه
انا مبقتش متاكده من حاجه
حتي الحاجات اللي تخيلتها حقائق راسخه
كلها طارت في الهوا و طلعتلي لسانها
انا مين ؟
انا تهت مني انا مش عارفني انا مش انا
ولا اي حد تاني
انا مش اي شئ ولا اي مكان ولا اي حاجه..
انا مش فاهمه حاجه
عارف لما تعمل حاجه و بعد كام دقيقه تعملها تاني فتتفاجئ انك عملتها خلاص
فاهم ..انا بقيت بنسي
بقيت بتوضا و و انا خارجه من الحمام اجي عشان اتوضي القي رجليا مبلوله !
بقيت حافظه مش فاهم
بصحي اصلي و اقعد علي الكنبه و بعدين الاقي الاذان لسه بياذن اصلا
فاصلي تاني
ايه اللي بيحصلي حده
انا بهزي
بطلع خزين شهور
كلام ملغبط و انفاس سريعه
هف اهدي ..طيب اقولك شهيق ..زفير
اوكيه ماشي و بعدين
انا مش عارفه احلم
ده ملوش دعوه بكوبيس بليل
لا احلام و خطط للحياه
انا مبقتش متاكده من حاجه
حتي الحاجات اللي تخيلتها حقائق راسخه
كلها طارت في الهوا و طلعتلي لسانها
انا مين ؟
انا تهت مني انا مش عارفني انا مش انا
ولا اي حد تاني
انا مش اي شئ ولا اي مكان ولا اي حاجه..
انا مش فاهمه حاجه
عارف لما تعمل حاجه و بعد كام دقيقه تعملها تاني فتتفاجئ انك عملتها خلاص
فاهم ..انا بقيت بنسي
بقيت بتوضا و و انا خارجه من الحمام اجي عشان اتوضي القي رجليا مبلوله !
بقيت حافظه مش فاهم
بصحي اصلي و اقعد علي الكنبه و بعدين الاقي الاذان لسه بياذن اصلا
فاصلي تاني
ايه اللي بيحصلي حده
كأن في ارسال قوي اوي اقوي من ارسالي
بيغلوش عليا و بيمنعني من التقات اي اشارة من العام الخارجي
اللعنه..
انا واثقه ان محدش فاهم مني حاجه
اصلا عادي..انا شخصيا مش فاهمه
انا تعبت ..تعبت اووي ..
و التعب بيجيب تعب
و تعب اكتر منه
انا مش عايزة اموت من التعب
في حاجات اقيم من كده الواحد يموت عشانها ..!
انا رايحه اكمل نوم ..!
تصبحوا علي مزيد من الخراء و التعب
التعب
التعب ..!
بيغلوش عليا و بيمنعني من التقات اي اشارة من العام الخارجي
اللعنه..
انا واثقه ان محدش فاهم مني حاجه
اصلا عادي..انا شخصيا مش فاهمه
انا تعبت ..تعبت اووي ..
و التعب بيجيب تعب
و تعب اكتر منه
انا مش عايزة اموت من التعب
في حاجات اقيم من كده الواحد يموت عشانها ..!
انا رايحه اكمل نوم ..!
تصبحوا علي مزيد من الخراء و التعب
التعب
التعب ..!
09 June 2012
دفا وحب للورود والفراشات
اجري بعيد ..و اغامر ..امارس جنوني علي العالم ..و دائما ما افسد لحظة الطياران ..!
اعود مجروحه اجر اذيال الوجع ..دائما ما اعود اليك ..يرحل الراحلون و انت باقي في عالمي كما شمس لا تغيب انا فقط التي تغمض عينيها و تركض بعيدا ..
تلصمني و تطمني ..تضعني علي اول الطريق تمسك يدي و تشجعني للحظة الانطلاق ..
و دائما ما اعود اليك ..اعود عندما اشتاق العودة , لا تغضب و لا تحزن مني , لا تحملني الهموم ولا المسؤوليات ..
فاعود باشتياقي و حبي و ليس بواجبي كصديقة ..
انت الشمس بتدي دفا و حب و سعادة علي طول للورد و الفراشات و حتي الجراد ..!
08 June 2012
هف
ليه اول ما ابتدي اكتب ربنا يرزقتي بحد يفضل يتكلم في و دني و يضيع الوحي اللي بيجي كل فين و فين ..ليه يا رب كده عااااا ...هف !!
29 May 2012
26 May 2012
24 May 2012
طير و اتمختر
ياما نفسي اركب جناحات فراشة بالوان قوس قزح ..
و اكل بلالين ..و ابلع شوية نجوم بكوباية هوا ..
و اجري ع السحاب ..و بيتي يبقي من غزل البنات ..
و اتنفس الوان .. انا بعشق الالوان ..
و اكل بلالين ..و ابلع شوية نجوم بكوباية هوا ..
و اجري ع السحاب ..و بيتي يبقي من غزل البنات ..
و اتنفس الوان .. انا بعشق الالوان ..
...
ربما اصل في النهاية للجنون ..!
مازال بيني و بينه اميال و لكني امشي ف الطريق الصحيح ..
ربما اصل في النهاية للجنون ..!
مازال بيني و بينه اميال و لكني امشي ف الطريق الصحيح ..
...
صحيت من النوم في نص الليل فجاة
و قولت كفاية كده اكتأب كفايه زعل وحزن
حتي لو في مليون سبب
انا لازم لما اصحي الصبح ادور
حتي علي سبب واحد
يخليني اتصالح معايا..
23 May 2012
بريق سعادة
اعلم كيف تبدو و كيف تنطفئ و كيف تفقد بريقها ..
و اعلم حين تعود..
تعود كما كانت فتنظف غرفتها و تهتم باناقتها فتجدها في كامل حلتها برغم انها في المنزل ..تجدها تمشط خصلات شعرها الذهبية بعنايه ..تجدها في كامل نشاطها ..
تنام قليلا و تضحك كثيرا ..
تعرف حالها دون ان تتكلم فهي كالكتاب المفتوح يمكنك قراءته حتي ان كنت لا تجيد القراءة ..
اعاد هو بريقها من جديد.. رايت عينيها تلمع في سعادة ..
سعادة لا يمكنها ان تخفيها
21 May 2012
Subscribe to:
Posts (Atom)