عزيزتي راء/
يمكن انتي مش بتعرفي تحمينا من ولاد الكلاب اللي بيجوا عليناو بيحسسونا بقلة الحيلة قدامهم, ولا من قوة العالم الشريرة اللي بتسحقنا واحنا في عز لحظات الحياة ,,
بس انتي بتحمينا من اللي اهم من كل ده من الوقوع جوه نفسنا, من لف اخر شوية خيط في الشرنقة علي نفسنا جامد اوي فيمنعوا اخر شوية هوا وناس في حياتنا, حتي لو بقولت هاي للبنت اللي معاكي في الدفعه ,او انك تبعتي جواب لحد زيي و يوصله في وقته بالثانية, اننا نلاقي حد في الدنيا يحط ايده يسند ضهرنا عشان منقعش او انه يكتب حاجة شبههنا تطبطب علي روحنا, حاجات بسيطة في نظرك يمكن, بس في اخر اليوم الوحش زي بعد ماشوفتك بكام يوم كده لما فتحت شنطتي ولاقيت شوكولا كنت جيبتيهالي ونسيتها خليتي نهاية اليوم بقيت جميلة و نمت وانا مبسوطة من ان لسه في حاجات بتيجي في وقتها بالضبط.
انتي بتعرفي تحمينا يا رضوي بس انتي اللي مش عارفة انك بتعرفي :)
1 comment:
كلمنى ناقشى عاتبنى ولا حتى نظرة ترد الحنان لعنية------------------------------------------احنا مش خايفين ومعايا قلب امى الدفين قلبى بيحن اليك --وبشوف بنور عنيك
وقلبى مال اليك---وشوقى ملك عنيك
والقلب من فرحتة---مال وسلم عليك
بحلم بيوم اضمك ---واشيل تعبك وهمك
لمست ايديك و ضى عنيك---زاد حنينى اليك
قلبى كلة بيحن اليك
وقلبى بيشوف بنور عنيك
وشوقى بيحلم و بيخاف عليك
من كل همس وشاردةمنى اليك
حتى القمر بيغير من نور عنيك
ونجوم السما بترقص حواليك
وعيونى وعيون الناس حسدانى عليك
يا حبيبى دارى نور عنيك
يا بسمة تروى الفواد من لمسة ايديك
انا شايف ضيك انتى
فى عنية شوق وحبى
وفى قلبى حب كبير
وشوقى ليك بيطير
بسال روحى بحبك لية
هو الحب علية كتير
Post a Comment