انجي ..البنت اللي مابتخفش من الفراق بتكرهه بس مابتخفش منه ,,تبان مستبيعه الصبح مع انك لو ركزت في ملامحها هتعرف انها قضت الليل عياط ,,البنت اللي لما واحد يعاكسها في الشارع بتتحول لمتشردة وبتشتمه,,البنت اللي بتحط اي لاينر علي طول وبتسحبه لاخر عينيها بطريقة مبهره ,اسمها يوحي بانها فنانه سينمائية وهي طول عمرها نفسها تمثل ,,لما بتتوتر بفضل تلعب في شعرها وتجيبة يمين كله وبعدين شمال في حركة سيمائية توحي بانها مغرورة,,اغلب البنات مش بيحبوها عشان هي مش تقليدية ,,انجي روحها حلوة بتضحك ضحكة مجلجلة بسببها الدكاترة لازم تزعقلنا ,عمري ماشوفتها بتعيط ,ولما قولتها مره اسمعي صوتك الجواني وهو هيقولك تعملي ايه بصتلي بريبه وقالتلي هند انتي من كوكب الارض؟ ,اول مره شوفتها اول حاجة قولتهالها انتي تايهه؟ قالتلي انا مابيهمنيش ,,مع انها كانت تايهه عادي جدا..
انجي مش شبهي بس هي صاحبتي ..
مش عارفه بس بتغيرلي مفهوم الصداقة اللي كان طول عمره بالنسبلي ناس شبهي وفهماني ل هو ازاي الناس دي متقبلاني وهما مش شبهي كده وعارفين نتواصل ونصنع لنفسنا حته وسط بين عالمي الصغير الغويط وعالمها المسطح الكبير!.
انجي مش شبهي بس هي صاحبتي ..
مش عارفه بس بتغيرلي مفهوم الصداقة اللي كان طول عمره بالنسبلي ناس شبهي وفهماني ل هو ازاي الناس دي متقبلاني وهما مش شبهي كده وعارفين نتواصل ونصنع لنفسنا حته وسط بين عالمي الصغير الغويط وعالمها المسطح الكبير!.
2 comments:
جميل ان يكون فى الحياه انجى و غيرها و بصفات احيانا تختلف عما نحن فيه ، ففى ذلك متعة للحياه و رونق و أيضاً فرصة لنتكامل و نرى بعضنا بعض ، فبعد مرور سنين انجى ستفكر فى كلامك و تتذكره جيدا و انتى سترسيمين بسمة و ضحكة حين تذكرها وهكذا هى الحياه
ولك تقديرى لما كتبتى
الله <3
انا حبيت انجي :)
Post a Comment