Dabbour

زي قشر اليوستفندي/
ريحته تفضل فى الإيدين../
والموسيقى التصويرية../
اللي لما الفيلم يخلص/
مش ناسيها/
زي خط شنب صناعي/
باقى من «مج» الكاكاو/
زي لما بفتكرلك جملة حلوة/
انتي شايفاها عادية/
زي لما بتسألينى/
عن حاجات هبلة ما بينا/
«لسه فاكر؟»/
زي لما دخلنا سينما/
واحتفظنا بالتذاكر/
زي إيه تاني في حياتنا/
أقدر أوصف بيه شعوري بالدفا/
أصل هو شعور معقد/
بس مافهوش فلسفة/
لجل ذلك../
تسمحيلي لما تِشتي/
نمشي سوا تحت المطر